Сёньня скончыўся 15-суткавы адміністрацыйны арышт Сяргея Штоды — грузаперавозчыка, які быў затрыманы і асужданы 3 лютага, калі ён накіроўваўся на заплянаваную сустрэчу зь першым віцэ-прэм’ерам Васілём Мацюшэўскім у Доме ўраду.
Бізнэсоўца абвінавацілі ў дробным хуліганстве — нецэнзурнай лаянцы.
Аднак у прызначаны час з турмы на Акрэсьціна Штода так і ня выйшаў. Як паведаміла яго жонка Вольга, а 12.30 муж ёй патэлефанаваў з аддзяленьня міліцыі, удакладніўшы, што сюды яго прывезьлі з ізалятара часовага ўтрыманьня.
Радыё Свабода будзе сачыць за лёсам Сяргея Штоды.