«Мы працягваем працаваць, мы працуем бесьперапынна ва ўсіх магчымых фарматах», — сказаў кіраўнік МЗС Украіны Павел Клімкін, адказваючы на пытаньне, ці працягваецца праца ў нармандзкім фармаце, паведамляе інфармацыйнае агенцтва УНІАН.
Раней паведамлялася, што перамовы кіраўнікоў Нямеччыны, Расеі, Украіны і Францыі, якія доўжыліся амаль 14 гадзін, завяршыліся.
Аднак пазьней СМІ перадалі, што перамовы аднавіліся. Да «нармандзкай чацьвёркі» далучыліся прадстаўнікі АБСЭ на чале з Хайдзі Тальявіні, якія да гэтага бралі ўдзел у сустрэчы Трохбаковай кантактнай групы.