Тысячы мусульманаў па ўсім сьвеце выйшлі на вуліцы, каб асудзіць малюнак прарока Мухамада у францускім сатырычным часопісе Charlie Hebdo на вокладцы сьвежага нумара.
У Карачы 16 студзеня пакістанская паліцыя выкарыстала дубінкі, вадамёты і сьлезацечны газ, каб разагнаць каля 200 дэманстрантаў — у асноўным студэнтаў, зьвязаных з рэлігійнай партыяй Джамаат-э-Ісламі.
Тры чалавекі атрымалі раненьні ў выніку ўспышкі гвалту каля консульства Францыі, у тым ліку фатограф францускага інфармацыйнага агенцтва AFP.
У Ярданіі дэманстранты зладзілі сутычкі з паліцыяй пасьля таго, як яна паспрабавала прадухіліць марш да францускай амбасады ў Амане.
Вулічныя дэманстрацыі супраць публікацыі таксама прайшлі ў Альжыры, Сырыі, Індыі, на Філіпінах і ў Ерусаліме, дзе пратэст арганізавалі палестынцы.
Вокладка апошняга нумару Charlie Hebdo адлюстроўвае Мухамада са сьлязой, якія трымае шыльдачку, на якой напісана: «Я — Шарлі», выказваючы такім чынам салідарнасьць з 12 ахвярамі тэракту, зьдзейсьненага ісламскімі баевікамі ў парыскім офісе часопіса «Шарлі Эбдо» на мінулым тыдні.