У Баранцавым моры стратэгічная атамная падводная лодка «Аляксандар Неўскі» ажыцьцявіла запуск міжкантынэнтальнай балістычнай ракеты «Булава». Пра гэта паведаміла прэс-служба Міністэрства абароны Расеі.
Паведамляецца, што стральба была выкананая з падводнага становішча. Па пацьверджаных дадзеных баявыя блёкі ракеты пасьпяхова ўпалі на палігон Кура на Камчатцы.
Папярэдні запуск «Булавы» быў зроблены 29 кастрычніка — тады ракету па палігоне Кура на Камчатцы выпусьціла падводная лодка «Юрый Далгарукі».
Выпрабавальныя пускі ракеты «Булава» ў гэтым годзе адбываліся пасьпяхова пасьля некалькіх гадоў няўдач.