Чалавек, апрануты, як Дарт Вэйдэр з сэрыялу «Зорныя войны», спрабаваў галасаваць на ўчастку ў Кіеве, але не атрымаў дазволу, бо адмовіўся зьняць маску.
Засталося невядомым, хто менавіта хаваўся пад маскай. Магчыма, гэта быў намесьнік кіраўніка украінскай Інтэрнэт-партыі Віктар Аляксеевіч Шаўчэнка, які сёлета афіцыйна памяняў імя і прозьвішча на Дарт Аляксеевіч Вэйдэр і спрабаваў зарэгістравацца кандыдатам на прэзыдэнцкіх выбарах увесну, але атрымаў адмову.
Сярод абяцаньняў Дарта Вэйдэра для выбарцаў — стварэньне ўкраінскай касьмічнай імпэрыі. Адзін з лёзунгаў палітыка: «Кандыдат з чалавечым тварам!»
Нарадзіўся экстравагантны палітык ў Беларусі — у вёсцы Калыбань Брагінскага раёну на Гомельшчыне.