У Менску пачалося пасяджэньне Рады міністраў замежных спраў краін СНД.
Кіраўнік беларускага зьнешнепалітычнага ведамства Ўладзімер Макей, адкрываючы паседжаньне, сярод іншага заявіў, што нельга дапусьціць, каб на тэрыторыі краін СНД вяліся баявыя дзеяньні і гінулі людзі.
Макей заклікаў зрабіць усе захады дзеля ўрэгуляваньня сытуацыі ва Ўкраіне.
Украіну на гэтым паседжаньні прадстаўляе амбасадар у Менску Міхаіл Ежэль.