Таня Макаед: Я – дзяўчына з Каліфорніі

19 гадоў таму даведзеная да адчаю шматдзетная сям’я простых рабочых зь Ляхавічаў выправілася за акіян у пошуках кавалка хлеба і магчымацьяў даць дзецям адукацыю. Там, у ЗША, Макаеды змаглі ня проста выжыць, а і трывала паставіць на ногі сваіх шасьцярых дзяцей. Натуральна, праз упартасьць і цяжкую працу дзеля дасягненьня мэты. Пра тое, як дасягнуць посьпеху ў Амэрыцы, на прыкладзе сваёй сям’і, уласнай кар’еры, а таксама пра беларускае жыцьцё ў Каліфорніі распавядае адна з дачок Макаедаў – Таня, якая працуе ў Галівудзе на кінастудыі Warner Brothers. Гэтымі днямі яна знаходзілася на вакацыях у Эўропе і завітала ў Празе на Радыё Свабода.