Насельнікі маскоўскага заапарку ядуць гародніну і садавіну імпартнай вытворчасьці, паведаміла Інтэрфаксу кіраўніца службы заапарку па зьнешніх камунікацыях Ганна Качуроўская.
«Гэта Польшча, Вугоршчына. Жывёлы ядуць каля 300 кг у дзень, гародніна і садавіна — важны складнік іх рацыёну», — распавяла Качуровская.
Пры гэтым паводле яе, маскоўскі заапарк ў меншай ступені залежыць ад паставак мяса.
«Мяса беларускае», — падкрэсьліла прадстаўніца адміністрацыі заапарку.
«Мы будзем думаць, як выходзіць з сытуацыі, размаўляць з нашымі пастаўшчыкамі. Спадзяемся, што нам дапамогуць, падтрымаюць ва ўрадзе Масквы», — дадала Ганна Качуровская.