Што будуць есьці беларусы, як зьнішчаць сьвіней?

У зьвязку з эпідэміяй афрыканскай чумы па ўсёй краіне ліквідуюць сьвіней з прыватных сялянскіх падворкаў. Улады ня бачаць альтэрнатывы забіцьцю жывёлаў у барацьбе з гэтай хваробай. Тым часам эканамісты і нават культуролягі б’юць трывогу. Разумеючы, што сьвініна – традыцыйная і найбольш папулярная ежа беларусаў, яны кажуць пра глябальныя, наступствы для Беларусі татальнага забою сьвіней. І пытаньне пытаньняў тут: што будуць есьці беларусы, калі будзе зьнішчанае ўсё пагалоўе? Пра гэта ў праграме “Свабода бяз гальштукаў” разважаюць культуроляг, адзін з аўтараў кнігі “Наша страва” Сяргей Харэўскі і эканаміст Міхал Залескі. Перадачу вядзе Вячаслаў Ракіцкі.