Праскі акцэнт

25 сакавіка ў Менску была жорстка разагнаная акцыя ў гонар Дня Волі. Праз два дні ў рэдакцыях незалежных СМІ і на кватэрах журналістаў былі праведзеныя ператрусы. Ці азначае гэта, што афіцыйны Менск канчаткова адмовіўся ад дыялёгу з Захадам у справе дэмакратызацыі? Якую пазыцыю зоймуць тыя эўрапейскія палітыкі, якія спадзяваліся на супрацоўніцтва з Лукашэнкам? Ці могуць жорсткія дзеяньні ўладаў запалохаць незалежных журналістаў? Гэтыя тэмы абмяркоўваюць: зь Менску – шэф-рэдактар газэты “Народная воля” Сьвятлана Калінкіна, з Варшавы – супрацоўнік тэлекампаніі “Белсат” Аляксей Дзікавіцкі. Вядзе перадачу Сяргей Навумчык.