Пра гэта паведаміў прэзыдэнт Малі Ібрагім Бубакар Кейта, якога цытуе ВВС.
Гэтую інфармацыю пацьвердзілі таксама прадстаўнікі ўраду Буркіна-Фасо. Яны сьцьвярджаюць, што самалёт упаў прыкладна ў 50 кілямэтрах ад мяжы Буркіна-Фасо з Малі.
Генэрал арміі Буркіна-Фасо Жыльбэр Дзьендр заявіў агенцтву АР, што на месцы трагедыі знойдзены абгарэлыя абломкі самалёта і астанкі цел.
Самалёт McDonnell Douglas MD-83 з 110 пасажырамі і шасьцю сябрамі экіпажу на борце ляцеў з Уагадугу (сталіцы Буркіна-Фасо) у Альжыр.
Авіяляйнэр, арандаваны ў гішпанскай авіякампаніі Swiftair, павінен быў прызямліцца ў аэрапорце альжырскай сталіцы ў 5:40 па Грынвічы.
На дадзены момант устаноўлена, што сярод пасажыраў былі 51 француз, 24 грамадзяніны Буркіна-Фасо, восем лібанцаў, чатыры альжырцы, двое грамадзян Люксэмбургу, адзін бэльгіец, адзін швэйцарац, адзін нігерыец, адзін камэрунец, адзін грамадзянін Украіны і адзін румын. Шэсьць сябраў экіпажа былі гішпанцамі.
Месца катастрофы