Кінастужка «Племя» ўкраінскага рэжысэра Міраслава Слабашпіцкага стала адной з сэнсацыяў Канскага кінафэстывалю 2014. Яна атрымала галоўны прыз у сэкцыі «Тыдзень крытыкі». Як стала вядома Радыё Свабода, галоўную ролю ў фільме выканала глуханямая беларуская акторка з Гомеля.
Рэжысэр Міраслаў Слабашпіцкі атрымаў Гран-пры прэстыжнай праграмы «Тыдзень крытыкі» на 67-м Канскім кінафэстывалі за свой дэбютны фільм «Племя», ролі ў якім сыгралі непрафэсійныя глуханямыя акторы. Прысутная на цырымоніі ўручэньня прызоў выканаўца галоўнай ролі Яна Новікава расплакалася.
Карціна заваявала яшчэ дзьве прэміі — прыз «Адкрыцьцё» і прыз фундацыі Ган, які абяцае дапамогу ў дыстрыбуцыі фільму.
Фільм зьняты выключна на мове жэстаў у традыцыях нямога кіно. Ролі выканалі непрафэсійныя глуханямыя акторы. Гэта драматычная гісторыя першага каханьня маладога хлопца.
Галоўны герой фільма, Сяргей, трапляе ў спэцыялізаваны інтэрнат для тых, хто слаба чуе, дзе існуе крымінальная арганізацыя, Племя. Ён спрабуе заняць сваё месца ў гіерархіі школы і прымае ўдзел у некалькіх рабаваньнях. Калі Сяргей закохваецца ў Ганну, адну з наложніц кіраўніка, яму даводзіцца парушыць няпісаныя законы Племя.
Рэжысэр Міраслаў Слабашпіцкі атрымаў Гран-пры прэстыжнай праграмы «Тыдзень крытыкі» на 67-м Канскім кінафэстывалі за свой дэбютны фільм «Племя», ролі ў якім сыгралі непрафэсійныя глуханямыя акторы. Прысутная на цырымоніі ўручэньня прызоў выканаўца галоўнай ролі Яна Новікава расплакалася.
Карціна заваявала яшчэ дзьве прэміі — прыз «Адкрыцьцё» і прыз фундацыі Ган, які абяцае дапамогу ў дыстрыбуцыі фільму.
Фільм зьняты выключна на мове жэстаў у традыцыях нямога кіно. Ролі выканалі непрафэсійныя глуханямыя акторы. Гэта драматычная гісторыя першага каханьня маладога хлопца.
Галоўны герой фільма, Сяргей, трапляе ў спэцыялізаваны інтэрнат для тых, хто слаба чуе, дзе існуе крымінальная арганізацыя, Племя. Ён спрабуе заняць сваё месца ў гіерархіі школы і прымае ўдзел у некалькіх рабаваньнях. Калі Сяргей закохваецца ў Ганну, адну з наложніц кіраўніка, яму даводзіцца парушыць няпісаныя законы Племя.