У Калінінградзе суд паслаў пад варту на два месяцы траіх грамадзян Расеі, якіх падазраюць у тым, што яны ўзьнялі сьцяг Нямеччыны над будынкам абласнога ўпраўленьня Фэдэральнай службы бясьпекі.
Сьцяг Нямеччыны быў ўзьняты ў ноч зь 12 на 13 сакавіка, а падазраваных — Алега Савіна, Міхаіла Фельдмана і Дзьмітрыя Фанарова — затрымалі ў хуткім часе, паведамляе інтэрнэт-выданьне «Русская планета». Спачатку супраць іх была адміністрацыйная справа і іх адпусьцілі, але 24 красавіка справу перакваліфікавалі ў крымінальную, і цяпер ім пагражае вялікі штраф альбо да сямі гадоў пазбаўленьня волі.
«На будынку ФСБ разьмясьцілі сьцяг ФРГ як сымбаль неабходнасьці выхаду Калінінградзкай вобласьці са складу РФ і далучэньня да Эўрапейскага Зьвязу, чым груба парушылі грамадзкі парадак», -- гаварылася ў пастанове аб узбуджэньні крымінальнай справы.
28 красавіка судзьдзя Жана Аксянчук на час сьледзтва накіравала падазраваных у сьледчы ізалятар на два месяцы.
Паводле выданьня «Русская планета», спачатку затрыманыя казалі, што вывесілі нямецкі сьцяг у адказ на анэксію Расеяй Крыму, але цяпер яны ўвогуле адмаўляюць сваю датычнасьць да вывешваньня сьцягу.
Да 4 ліпеня 1946 году Калінінград быў нямецкім горадам Кёнігсбэргам. У 1946 годзе паводле рашэньня Патсдамскай канфэрэнцыі горад і навакольле былі часова перададзеныя СССР. Пазьней, пры падпісаньні дамоваў аб межах, Калінінградзкая вобласьць была цалкам прызнаная тэрыторыяй Савецкага Саюзу.
«На будынку ФСБ разьмясьцілі сьцяг ФРГ як сымбаль неабходнасьці выхаду Калінінградзкай вобласьці са складу РФ і далучэньня да Эўрапейскага Зьвязу, чым груба парушылі грамадзкі парадак», -- гаварылася ў пастанове аб узбуджэньні крымінальнай справы.
28 красавіка судзьдзя Жана Аксянчук на час сьледзтва накіравала падазраваных у сьледчы ізалятар на два месяцы.
Паводле выданьня «Русская планета», спачатку затрыманыя казалі, што вывесілі нямецкі сьцяг у адказ на анэксію Расеяй Крыму, але цяпер яны ўвогуле адмаўляюць сваю датычнасьць да вывешваньня сьцягу.
Да 4 ліпеня 1946 году Калінінград быў нямецкім горадам Кёнігсбэргам. У 1946 годзе паводле рашэньня Патсдамскай канфэрэнцыі горад і навакольле былі часова перададзеныя СССР. Пазьней, пры падпісаньні дамоваў аб межах, Калінінградзкая вобласьць была цалкам прызнаная тэрыторыяй Савецкага Саюзу.