Днепрапятроўск мітынгуе пад беларускімі дзяржаўнымі сьцягамі
Нягледзячы на тое што сытуацыя ў Днепрапятроўску адносна спакойная, горад патрулююць групы актывістаў Майдану. Гэта - "9 сотня", ветэраны вайны ў Аўганістане. Пытаюся: "Ці можна параўнаць уварваньне ў Крым і ўвод абмежаванага кантынгенту савецкіх войскаў у Аўганістан?" - "Не, гэта хутчэй нагадвае акупацыю Гітлерам Судэтаў у Чэхіі". Сотня накіроўваецца да месца правядзеньня мітынгу па-прарасейску настроеных грамадзян: "Умешвацца ня будзем, але расейскія сьцягі разгарнуць не дамо!"
На плошчы каля опэрнага тэатру расейскі сьцяг толькі адзін, мітынгуюць у асноўным пад сьцягамі Беларусі. Парадаксальнасьць таго, што адбываецца, узмацьняе песьня групы "Кіно" "Пераменаў!", якая гучыць з дынамікаў
«Прывітанне, Амэрыка!» — надпіс на газавым балёне, які прымацаваны да матацыкла
Некалькі ўдзельнікаў акцыі прыехалі на старых савецкіх аўтамабілях, упрыгожаных сымболікай арганізацыі "Савецкі цэнтар"
Украінскі сьцяг на нумарных знаках аўтамабіляў заклеены савецкім
Патрабаваньні ўдзельнікаў акцыі ў асноўным адрасаваныя мясцовым уладам: бясплатная прыватызацыя, адмена перайменаваньня плошчы Леніна (помнік якому быў дэмантаваны ў Днепрапятроўску яшчэ 22 лютага) ў плошчу Герояў Майдану
Патрабаваньняў далучыць Днепрапятроўскую вобласьць да Расеі на мітынгу не было, амаль ня ўзгадвалі "бандэраўцаў" і "фашыстаў". Складалася ўражаньне, што мара гэтых людзей - вяртаньне ў Савецкі Саюз узору сярэдзіны 80-х гадоў мінулага стагодзьдзя. У акцыі прыняло ўдзел каля 500 чалавек
На адрэстаўраваных савецкіх аўтамабілях актывісты "Саюзу савецкіх афіцэраў" зьбіраюцца зладзіць аўтапрабег у Крым
На плошчы Герояў Майдану і каля помніка Тарасу Шаўчэнку (9 сакавіка па ўсёй Украіне адзначалі 200-годзьдзе зь дня яго нараджэньня) ў гэты ж час сабралася каля 5 тысяч чалавек, якія выступаюць за адзінства Украіны
Папярэджаньне новым уладам у Кіеве
Тут і ў прамовах, і на плякатах - тэма ваеннага ўмяшаньня Расеі ў Крым была адной з галоўных
Фраза - дакладная копія той, што часта можна было сустрэць на антыўрадавых акцыях у Маскве ў 2012 годзе
Мясцовая "казацкая сотня"
Грае гімн Украіны
Шмат хто прыйшоў з дзецьмі
Патрыятычны манікюр