Такую думку выказаў паплечнік Дзьмітрыя Булатава Сяргей Паяркаў.
Адзін зь лідэраў Аўтамайдана Дзьмітрый Булатаў, зьніклы тыдзень таму, знайшоўся 30 студзеня ў вёсцы Вішанька ў Барыспальскім раёне Кіеўскай вобласьці. Цяпер ён знаходзіцца ў кіеўскай клініцы «Барыс».
Паводле сяброў Булатава, невядомыя зламысьнікі тыдзень мучылі аўтамайданаўца і не давалі яму ежы. У прыватнасьці, Сяргей Паяркаў, сябар Дзьмітрыя Булатава і адзін з лідэраў Аўтамайдана, адзначыў, што злачынцы спрабавалі даведацца, хто фінансуе Аўтамайдан.
«Яго доўга катавалі, каб даведацца хто гэта фінансуе. У яго шмат гематом на плячах, парэзанае вуха, парэзаная скула, яго расьпіналі і катавалі ўсе гэтыя дні»,— распавёў Паяркаў.
http://radiosvoboda.share.rferl.org/flashembed.aspx?t=vid&id=25248427&w=500&h=284&skin=embeded
У сваю чаргу Пётр Парашэнка, дэпутат Вярхоўнай Рады, які таксама прыехаў у клініку, зьвязвае выкраданьне Дзьмітрыя Булатава з такім жа учынкам, які зьдзейсьнілі нядаўна з грамадзкім актывістам Ігарам Луцэнка. На думку Парашэнкі, гэта зрабілі тыя ж людзі.
«Безумоўна, я лічу, што яны зьвязаныя, я лічу, што тыя памяшканьні, у якіх іх катавалі,— яны разьмешчаныя непадалёк. Зараз сюды неадкладна прыбыў начальнік Дарніцкага раённага ўпраўленьня ўнутраных спраў і мы патрабуем, каб неадкладна былі пачатыя сьледчыя дзеяньні»,— адзначае Парашэнка.
Дэпутат таксама распавёў, што Дзьмітры Булатаў 45 хвілін у цяжкім стане хадзіў на марозе вёскай Вішанька, стукаючы ва ўсе дзьверы, калі нарэшце яго ўпусьціў адзін з мясцовых жыхароў і дазволіў патэлефанаваць родным.
Аб зьнікненьні Булатава актывісты паведамілі 23 студзеня. Праваахоўнікі заяўлялі, што сярод затрыманых імі яго не было. У рамках пошуку актывіста адкрывалі крымінальная вытворчасьць па артыкуле аб наўмысным забойстве.
Паводле сяброў Булатава, невядомыя зламысьнікі тыдзень мучылі аўтамайданаўца і не давалі яму ежы. У прыватнасьці, Сяргей Паяркаў, сябар Дзьмітрыя Булатава і адзін з лідэраў Аўтамайдана, адзначыў, што злачынцы спрабавалі даведацца, хто фінансуе Аўтамайдан.
«Яго доўга катавалі, каб даведацца хто гэта фінансуе. У яго шмат гематом на плячах, парэзанае вуха, парэзаная скула, яго расьпіналі і катавалі ўсе гэтыя дні»,— распавёў Паяркаў.
http://radiosvoboda.share.rferl.org/flashembed.aspx?t=vid&id=25248427&w=500&h=284&skin=embeded
У сваю чаргу Пётр Парашэнка, дэпутат Вярхоўнай Рады, які таксама прыехаў у клініку, зьвязвае выкраданьне Дзьмітрыя Булатава з такім жа учынкам, які зьдзейсьнілі нядаўна з грамадзкім актывістам Ігарам Луцэнка. На думку Парашэнкі, гэта зрабілі тыя ж людзі.
«Безумоўна, я лічу, што яны зьвязаныя, я лічу, што тыя памяшканьні, у якіх іх катавалі,— яны разьмешчаныя непадалёк. Зараз сюды неадкладна прыбыў начальнік Дарніцкага раённага ўпраўленьня ўнутраных спраў і мы патрабуем, каб неадкладна былі пачатыя сьледчыя дзеяньні»,— адзначае Парашэнка.
Дэпутат таксама распавёў, што Дзьмітры Булатаў 45 хвілін у цяжкім стане хадзіў на марозе вёскай Вішанька, стукаючы ва ўсе дзьверы, калі нарэшце яго ўпусьціў адзін з мясцовых жыхароў і дазволіў патэлефанаваць родным.
Аб зьнікненьні Булатава актывісты паведамілі 23 студзеня. Праваахоўнікі заяўлялі, што сярод затрыманых імі яго не было. У рамках пошуку актывіста адкрывалі крымінальная вытворчасьць па артыкуле аб наўмысным забойстве.