Памерла легендарная расейская дысыдэнтка Натальля Гарбанеўская
Натальля Гарбанеўская — расейская паэтка, перакладніца, праваабаронца, удзельніца дысыдэнцкага руху ў СССР.
У Парыжы памерла Натальля Гарбанеўская — расейская паэтка, перакладніца, праваабаронца, удзельніца дысыдэнцкага руху ў СССР.
Ёй было 77 гадоў.
Гарбанеўская была ініцыятарам, аўтарам, рэдактарам і машыністкай першага выпуску самвыдавецкага бюлетэню «Хроніка бягучых падзей».
Удзельніца дэманстрацыі 25 жніўня 1968 г. супраць увядзеньня савецкіх войскаў у Чэхаславаччыну — яна была арыштаваная ў сьнежні 1969 году. У красавіку 1970 з дыягназам «слабапраяўная шызафрэнія» Гарбанеўскую скіравалі на прымусовае лекаваньне ў псыхіятрычны ўпіталь турэмнага тыпу, дзе яна зьмяшчалася да лютага 1972 г.
Your browser doesn’t support HTML5
Натальля Гарбанеўская адказвае на пытаньне Свабоды
У 1975 Гарбанеўская эмігравала. Жыла ў Парыжы. Працавала ў рэдакцыі часопісу «Кантынэнт», была пазаштатным супрацоўнікам расейскай службы Радыё Свабода. З пачатку 1980-х гадоў і да 2003 г. працавала ў газэце «Русская мысль». З 1999 г. ўваходзіла ў рэдакцыі і рэдкалегіі расейскамоўнага варшаўскага часопісу «Новая Польшча», друкавалася ў ім як аўтар і як перакладніца.
Натальля Гарбанеўская — аўтарка паўтара дзясяткаў кнігаў вершаў; перакладніца з польскай, чэскай, славацкай і францускай моваў. Ляўрэатка міжнароднага літаратурнага конкурсу «Руская прэмія» за 2010 год у намінацыі «Паэзія».
