Лідэр АГП Анатоль Лябедзька і лідэр партыі «Справядлівы сьвет» Сяргей Калякін сустрэліся карэспандэнту Радыё Свабода ў кулюарах Віленскага саміту.
Анатоль Лябедзька сьцьвярджае, што ў Вільні прадстаўнікам палітычнай апазыцыі і грамадзянскай супольнасьці ўдалося данесьці да эўрапейскіх палітыкаў супольнае беларускае пасланьне:
«Тут, у Вільні, у нас гэтае пасланьне ёсьць: вызваленьне і рэабілітацыя палітвязьняў і свабодныя выбары».
«Трэба быць рэалістам. Эўрапейскія палітыкі не пачынаюць свой дзень з думак пра Беларусь і не засынаюць з такімі думкамі», — апісвае свае ўражаньні ад саміту Анатоль Лябедзька.
Анатоль Лябедзька і Сяргей Калякін правялі ў Вільні ўжо зь дзясятак розных сустрэчаў. Заўтра, па словах лідэра АГП, заплянаваная найважнейшая сустрэча, але з кім — палітык пакуль ня кажа.
Анатоль Лябедзька: «Для нас важна, каб Беларусь была не ў разьдзеле „рознае“, а ў асноўнай павестцы дня».
Такую ж пазыцыю, што да ўдзелу ў Віленскім саміце, мае і Сяргей Калякін: «Пакуль мы даем рады гэтай задачы».
«Я не эўрааптыміст, — заяўляе Калякін. — У мяне не было адчуваньня, што з удзелам у Саміце мы моцна прасунемся наперад».
На пытаньне карэспандэнта Свабоды, калі Беларусь зможа ўсур’ёз абмяркоўваць пытаньне эўраінтэграцыі, Калякін кажа:
«Гэта пытаньне выбару беларускага народу і ўраду, які ён абярэ. Гэта будзе зразумела, калі адбудуцца свабодныя выбары. Сёньня за Беларусь адказвае адзін чалавек, і ягоная пазыцыя вядомая. Але гэта ня значыць, што ня трэба разьвіваць інтэграцыйныя стасункі Беларусі зь Эўразьвязам».
«Беларускае пытаньне вырашаецца ня ў Вільні, не ў Брусэлі ці Страсбургу і не ў Вашынгтоне, — падсумоўвае Лябедзька. — Яно вырашаецца ў Менску».
«Тут, у Вільні, у нас гэтае пасланьне ёсьць: вызваленьне і рэабілітацыя палітвязьняў і свабодныя выбары».
«Трэба быць рэалістам. Эўрапейскія палітыкі не пачынаюць свой дзень з думак пра Беларусь і не засынаюць з такімі думкамі», — апісвае свае ўражаньні ад саміту Анатоль Лябедзька.
Анатоль Лябедзька і Сяргей Калякін правялі ў Вільні ўжо зь дзясятак розных сустрэчаў. Заўтра, па словах лідэра АГП, заплянаваная найважнейшая сустрэча, але з кім — палітык пакуль ня кажа.
Анатоль Лябедзька: «Для нас важна, каб Беларусь была не ў разьдзеле „рознае“, а ў асноўнай павестцы дня».
Такую ж пазыцыю, што да ўдзелу ў Віленскім саміце, мае і Сяргей Калякін: «Пакуль мы даем рады гэтай задачы».
«Я не эўрааптыміст, — заяўляе Калякін. — У мяне не было адчуваньня, што з удзелам у Саміце мы моцна прасунемся наперад».
На пытаньне карэспандэнта Свабоды, калі Беларусь зможа ўсур’ёз абмяркоўваць пытаньне эўраінтэграцыі, Калякін кажа:
«Гэта пытаньне выбару беларускага народу і ўраду, які ён абярэ. Гэта будзе зразумела, калі адбудуцца свабодныя выбары. Сёньня за Беларусь адказвае адзін чалавек, і ягоная пазыцыя вядомая. Але гэта ня значыць, што ня трэба разьвіваць інтэграцыйныя стасункі Беларусі зь Эўразьвязам».
«Беларускае пытаньне вырашаецца ня ў Вільні, не ў Брусэлі ці Страсбургу і не ў Вашынгтоне, — падсумоўвае Лябедзька. — Яно вырашаецца ў Менску».