Аляксандар Лукашэнка, які сёньня наведвае менскае прадпрыемства «Керамін», параіў яго работнікам дый усяму насельніцтву спакойна ставіцца да сытуацыі на валютным рынку.
«Вы бегаеце па абменьніках і чакаеце нейкай дэвальвацыі. Раю вам: не рабіце гэтага і не чакайце ніякай дэвальвацыі», — такім чынам Лукашэнка паўтарыў свой ранейшы заклік.
Аляксандар Лукашэнка, як перадае Інтэрфакс, заявіў супрацоўнікам «Кераміну», што ўлады паставілі перад сабой «галоўную задачу — не дапусьціць ніякіх абвалаў»:
«Мы бачым, што сытуацыя стабілізуецца. Таму не патрэбна бегаць», — сказаў Аляксандар Лукашэнка.
З падобнымі заявамі кіраўнік Беларусі апошнім часам выступаў ня раз. Аднак, паводле афіцыйных дадзеных Нацыянальнага банку, насельніцтва Беларусі ўжо пяты месяц запар актыўна скупляе замежную валюту. У кастрычніку аб’ём чыстай куплі параўнальна зь верасьнем узрос яшчэ на 17% і склаў больш за 255 мільёнаў даляраў у эквіваленце.
Тым часам сёньня на таргах на Беларускай валютна-фондавай біржы даляр ЗША адносна беларускага рубля падняўся яшчэ на 20 пунктаў і дасягнуў гістарычнага максымума 9270 рублёў.
Аляксандар Лукашэнка, як перадае Інтэрфакс, заявіў супрацоўнікам «Кераміну», што ўлады паставілі перад сабой «галоўную задачу — не дапусьціць ніякіх абвалаў»:
«Мы бачым, што сытуацыя стабілізуецца. Таму не патрэбна бегаць», — сказаў Аляксандар Лукашэнка.
З падобнымі заявамі кіраўнік Беларусі апошнім часам выступаў ня раз. Аднак, паводле афіцыйных дадзеных Нацыянальнага банку, насельніцтва Беларусі ўжо пяты месяц запар актыўна скупляе замежную валюту. У кастрычніку аб’ём чыстай куплі параўнальна зь верасьнем узрос яшчэ на 17% і склаў больш за 255 мільёнаў даляраў у эквіваленце.
Тым часам сёньня на таргах на Беларускай валютна-фондавай біржы даляр ЗША адносна беларускага рубля падняўся яшчэ на 20 пунктаў і дасягнуў гістарычнага максымума 9270 рублёў.