Жыхар Гомеля Рубцоў, якога затрымалі 3 лістапада пасьля шэсьця ў Курапаты, асуджаны на трое сутак арышту. Яго зьвінавацілі ў непадпарадкаваньні міліцыі.
Падчас акцыі Дзяды Юры Рубцоў прайшоў у майцы, на адным баку якой было напісана «Лукашэнка, сыходзь!», а на другім — «Чатыры разы прэзыдэнт — не! Гэта не прэзыдэнт, а цар-самазванец».
На пачатку шэсьця міліцыя патрабавала, каб Рубцоў зьняў майку. Аднак ён не паслухаўся.
«Гэта яшчэ раз пацьвярджае залежнасьць нашых судоў ад улады», — заявіў пасьля прысуду Юры Рубцоў.
Ён пакуль не бачыў судовай пастоновы і не ведае ці будзе абскарджваць прысуд.
На пачатку шэсьця міліцыя патрабавала, каб Рубцоў зьняў майку. Аднак ён не паслухаўся.
«Гэта яшчэ раз пацьвярджае залежнасьць нашых судоў ад улады», — заявіў пасьля прысуду Юры Рубцоў.
Ён пакуль не бачыў судовай пастоновы і не ведае ці будзе абскарджваць прысуд.