Жонка палітвязьня Міколы Статкевіча Марына Адамовіч пракамэнтавала для Радыё Свабода рашэньне Нобэлеўскага камітэту даць сёлетнюю прэмію міру Арганізацыі па забароне хімічнай зброі.
Сярод іншых прэтэндэнтаў быў і зьняволены беларускі праваабаронца Алесь Бяляцкі.
Марына Адамовіч: «Я не сумняваюся, што Нобэлеўскі камітэт, прымаючы свае рашэньне, мае высокародныя памкненьні і жаданьне адзначыць найбольш важныя ініцыятвы. Але сапраўды вельмі хацелася б, каб у гэтай кан’юнктуры былі адзначаныя і беларусы. Прычым тыя, хто цяпер працуюць ня толькі на карысьць Беларусі, але дзеля ўмацаваньня міру паміж народамі. Канечне, у гэтым выпадку я маю на ўвазе Алеся Бяляцкага. Гэта трэцяя, здаецца, была намінацыя Алеся, і я спадзяюся, што мы дачакаемся сур’ёзнага ўганараваньня для вартых людзей зь Беларусі».
Марына Адамовіч: «Я не сумняваюся, што Нобэлеўскі камітэт, прымаючы свае рашэньне, мае высокародныя памкненьні і жаданьне адзначыць найбольш важныя ініцыятвы. Але сапраўды вельмі хацелася б, каб у гэтай кан’юнктуры былі адзначаныя і беларусы. Прычым тыя, хто цяпер працуюць ня толькі на карысьць Беларусі, але дзеля ўмацаваньня міру паміж народамі. Канечне, у гэтым выпадку я маю на ўвазе Алеся Бяляцкага. Гэта трэцяя, здаецца, была намінацыя Алеся, і я спадзяюся, што мы дачакаемся сур’ёзнага ўганараваньня для вартых людзей зь Беларусі».