Арганізатарку падарожжа «Стылягі на роварах» спадарыню Ірыну суд Маскоўскага раёну Менску аштрафаваў на 20 базавых велічыняў (2 мільёны рублёў).
Яе зьвінавацілі ў парушэньні закону аб парадку правядзеньня сходаў, мітынгаў, вулічных шэсьцяў і дэманстрацый.
Ірына сказала карэспандэнту Свабоды, што ўсе раварысты і яна асабіста шакаваныя такой рэакцыяй уладаў на звычайнае падарожжа раварыстаў:
«Гэтае падарожжа была для сваіх, для сяброў, а тут, атрымліваецца, аштрафавалі. Ніякіх палітычных момантаў ці нейкіх алькагольных не было. Проста сабраліся пакатацца на роварах, а атрымалася, што мы злачынцы. Мяне ўжо назвалі „адміністрацыйніцай“. Я сабрала толькі сваіх сяброў, а тое, што сабралася ўрэшце шмат і атрымалася масавая „пакатушка“, я не вінаватая. Я была ў шоку ад таго, як адрэагавалі ўлады: мяне засудзілі і далі штраф за нішто. Я на ровары катаюся ўжо 7 гадоў, і гэта першы такі інцыдэнт».
Паводле Ірыны, яе выклікалі ў пастарунак па тэлефоне празь дзесяць дзён пасьля «пакатушкі». Там міліцыянты склалі пратакол, паказалі рэкляму падарожжа «Стылягі на роварах», разьмешчаную на сайце. У гэты ж дзень, 28 жніўня, адбыўся суд.
«Я ўжо баюся выяжджаць на ровары. Я пасьля гэтага ніводнага разу на ровары ня езьдзіла. Усе мае сябры-раварысты былі ў шоку, такія дэбаты пайшлі. Мы ж катаемся, як нехта на аўтамабілі, гэта наша жыцьцё. Цяпер як нам гэта рабіць? Сабрацца і выехаць на роварах — гэта мы парушаем закон? Я ж не зьбіралася ні пляскаць, ні крычаць, ні „стоп-бэнзін“ , нічога. Мы проста прыгожа выехалі пакатацца ў прыгожых строях», — кажа Ірына.
Ірына сказала карэспандэнту Свабоды, што ўсе раварысты і яна асабіста шакаваныя такой рэакцыяй уладаў на звычайнае падарожжа раварыстаў:
«Гэтае падарожжа была для сваіх, для сяброў, а тут, атрымліваецца, аштрафавалі. Ніякіх палітычных момантаў ці нейкіх алькагольных не было. Проста сабраліся пакатацца на роварах, а атрымалася, што мы злачынцы. Мяне ўжо назвалі „адміністрацыйніцай“. Я сабрала толькі сваіх сяброў, а тое, што сабралася ўрэшце шмат і атрымалася масавая „пакатушка“, я не вінаватая. Я была ў шоку ад таго, як адрэагавалі ўлады: мяне засудзілі і далі штраф за нішто. Я на ровары катаюся ўжо 7 гадоў, і гэта першы такі інцыдэнт».
Паводле Ірыны, яе выклікалі ў пастарунак па тэлефоне празь дзесяць дзён пасьля «пакатушкі». Там міліцыянты склалі пратакол, паказалі рэкляму падарожжа «Стылягі на роварах», разьмешчаную на сайце. У гэты ж дзень, 28 жніўня, адбыўся суд.
«Я ўжо баюся выяжджаць на ровары. Я пасьля гэтага ніводнага разу на ровары ня езьдзіла. Усе мае сябры-раварысты былі ў шоку, такія дэбаты пайшлі. Мы ж катаемся, як нехта на аўтамабілі, гэта наша жыцьцё. Цяпер як нам гэта рабіць? Сабрацца і выехаць на роварах — гэта мы парушаем закон? Я ж не зьбіралася ні пляскаць, ні крычаць, ні „стоп-бэнзін“ , нічога. Мы проста прыгожа выехалі пакатацца ў прыгожых строях», — кажа Ірына.