Ва ўрадзе прызналі «перагібы» ў зьнішчэньні пагалоўя сьвіней ля буйных комплексаў і прапанавалі беларусам альтэрнатыву.
Урад Беларусі цягам тыдня мае намер распрацаваць шэраг захадаў, якія дадуць магчымасьць насельніцтву, вымушанаму пазбавіцца ад сьвіней у сувязі з АЧС, у ільготным парадку набываць іншую жывёлу.
Пра гэта паведаміла афіцыйнае агенцтва БелТА са спасылкай на віцэ-прэм’ера Міхаіла Русага:
«Ці гэта будзе буйная рагатая жывёла, альбо авечкі, або гусі, або качкі — мы прапрацуем ўсе пытаньні і ў цэнавых адносінах, і ў пляне кармоў, пастаўкі камбікармоў, калі чалавек хоча мець дадатковыя крыніцы паступленьняў у свой бюджэт».
Міхаіл Русы лічыць, што і для невялікіх сьвінагадоўчых комплексаў у выпадку, калі няма неабходнай біялягічнай абароны, больш эфэктыўна правесьці пераспэцыялізацыю, перайсьці на вырошчваньне іншага, эканамічна выгаднага віду жывёл.
Гаворачы аб рашэньні ўраду ствараць буфэрныя зоны вакол буйных сьвінакомплексаў, віцэ-прэм’ер прызнаў, што «месцамі пайшлі перагібы».
Пра гэта паведаміла афіцыйнае агенцтва БелТА са спасылкай на віцэ-прэм’ера Міхаіла Русага:
«Ці гэта будзе буйная рагатая жывёла, альбо авечкі, або гусі, або качкі — мы прапрацуем ўсе пытаньні і ў цэнавых адносінах, і ў пляне кармоў, пастаўкі камбікармоў, калі чалавек хоча мець дадатковыя крыніцы паступленьняў у свой бюджэт».
Міхаіл Русы лічыць, што і для невялікіх сьвінагадоўчых комплексаў у выпадку, калі няма неабходнай біялягічнай абароны, больш эфэктыўна правесьці пераспэцыялізацыю, перайсьці на вырошчваньне іншага, эканамічна выгаднага віду жывёл.
Гаворачы аб рашэньні ўраду ствараць буфэрныя зоны вакол буйных сьвінакомплексаў, віцэ-прэм’ер прызнаў, што «месцамі пайшлі перагібы».