Падзеі і даты ў Беларусі, сьвеце, гісторыі
Менск. Футбольны турнір «Кубак Свабоды» імя Генадзя Карпенкі паміж камандамі апазыцыйных партый. Згодна з рэглямэнтам турніру, кожная з каманд згуляе з астатнімі, пераможца будзе выяўлены па колькасьці набраных ачкоў. Пачатак у 11.30.
Гэты дзень у гісторыі:
80 да н. э. — Бітва пры Фэрмапілах паміж пэрсыдзкай арміяй і саюзам грэцкіх полісаў.
1127 — першая ўзгадка пра Горадню ў пісьмовых крыніцах (Лаўрэнцеўскі летапіс)
1919 — прынятая Канстытуцыя Нямеччыны (Вэймарскай рэспублікі)
1921 — у савецкай Расеі апублікаваны указ Саўнаркаму аб правядзеньні новай эканамічнай палітыкі (НЭПу)
1960 — Чад набыў незалежнасьць ад Францыі
1973 — па савецкім тэлебачаньні пачаўся прэм’ерны паказ шматсэрыйнага сэрыялу «Сямнадцаць імгненьняў вясны».
1988 — утвораная тэрарыстычная супольнасьць «Аль-Каіда»
2003 — НАТО бярэ камандаваньне над міжнародным міратворчым кантынгентам у Аўганістане
2008 — адбылася першае выпрабаваньне працы вялікага адроннага калайдэра
У гэты дзень нарадзіліся:
1856 ― Уладзімер Дабравольскі, беларускі этнограф
1892 ― Уладзіслаў Андэрс, кіраўнік польскіх узброеных фармаваньняў у 1944―1945 гадах
1893 ― Эдмунд Русецкі, дзяржаўны дзеяч БССР. Быў намесьнікам наркаму земляробства БССР, расстраляны ў 1938 годзе.
У гэты дзень памерлі:
1464 — Мікола Кузанскі (сапраўднае імя Мікола Крэбс), нямецкі філёзаф, тэоляг, вучоны, матэматык, царкоўна-палітычны дзеяч
1886 — Лідзія Койдула, эстонская паэтка, драматург
1956 — Джэксан Полак, амэрыканскі мастак
Цытата на памяць:
Мае дарагія суайчыньнікі-амэрыканцы, я рады паведаміць вам сёньня, што падпісаў указ аб абвяшчэньні Расеі па-за законам назаўсёды. Бамбаваньне пачнецца праз пяць хвілін.
Прэзыдэнт ЗША Рональд Рэйган (11 жніўня 1984 года, правяраючы мікрафон перад прэсавай канфэрэнцыяй, сказаў гэта на ўсю краіну, не ведаючы, што мікрафон уключаны)