Арганізацыя ААН па гандлі і разьвіцьці апублікавала справаздачу аб прамых замежных інвэстыцыях (ПЗІ) у сьвеце. Паводле дакладу летась паток ПЗІ ў краіны СНД заставаўся ўстойлівым, хаця ў Беларусі ён зьнізіўся амаль ў тры разы — да 1 мільярда 442 мільёнаў даляраў.
Пры гэтым прамыя замежныя інвэстыцыі ў Казахстан вырасьлі на 1% і склалі рэкордную для гэтай краіны лічбу 14 мільярдаў даляраў. А ў Расею ПЗІ скараціліся на 7%.
Агульную карціну дынамікі замежных інвэстыцый у некаторыя краіны сьвету адлюстроўвае наступная табліца.
Аб’ем прамых замежных інвэстыцый у краіну, у млн. даляраў
На прамыя замежныя інвэстыцыі ў суседніх зь Беларусьсю краінах Эўразьвязу вялікі ўплыў зрабіў сусьветны эканамічны крызіс, іх аб’ем у Літве і Латвіі драматычна зьнізіўся і ўстойлівага росту не назіраецца. Калі да крызісу аб’ем ПЗІ ў гэтых краінах быў вышэйшы, чым у Беларусі, дык пасьля — ніжэйшы. У Польшчы істотнае, у 6 разоў, падзеньне ўзроўню ПЗІ адбылося летась.
Ва Ўкраіне і Расеі падзеньне назіралася толькі ў крызісны 2009 год. У Беларусі велізарных скачкоў узроўню прамых замежных інвэстыцый не назіралася, акрамя 2011 году, калі прыйшла плата ад «Газпрому» за «Белтрансгаз».
Агульную карціну дынамікі замежных інвэстыцый у некаторыя краіны сьвету адлюстроўвае наступная табліца.
Аб’ем прамых замежных інвэстыцый у краіну, у млн. даляраў
| Краіна | 2007 | 2008 | 2009 | 2010 | 2011 | 2012 |
| Беларусь | 1807 | 2188 | 1877 | 1393 | 4002 | 1442 |
| Казахстан | 11119 | 14322 | 13243 | 11551 | 13903 | 14022 |
| Расея | 56996 | 74783 | 36583 | 43168 | 55084 | 51416 |
| Украіна | 90891 | 10913 | 4816 | 6495 | 70207 | 7833 |
| Літва | 2015 | 1965 | -14 | 800 | 1448 | 835 |
| Латвія | 2322 | 1261 | 94 | 380 | 1466 | 988 |
| Польшча | 23561 | 14839 | 12932 | 13876 | 18911 | 3356 |
| Кітай | 83521 | 108312 | 95000 | 114734 | 123985 | 121080 |
На прамыя замежныя інвэстыцыі ў суседніх зь Беларусьсю краінах Эўразьвязу вялікі ўплыў зрабіў сусьветны эканамічны крызіс, іх аб’ем у Літве і Латвіі драматычна зьнізіўся і ўстойлівага росту не назіраецца. Калі да крызісу аб’ем ПЗІ ў гэтых краінах быў вышэйшы, чым у Беларусі, дык пасьля — ніжэйшы. У Польшчы істотнае, у 6 разоў, падзеньне ўзроўню ПЗІ адбылося летась.
Ва Ўкраіне і Расеі падзеньне назіралася толькі ў крызісны 2009 год. У Беларусі велізарных скачкоў узроўню прамых замежных інвэстыцый не назіралася, акрамя 2011 году, калі прыйшла плата ад «Газпрому» за «Белтрансгаз».