Гарадзенскія прадпрымальнікі ня столькі абмяркоўваюць тое, што ўлады пайшлі ім на саступкі і адтэрмінавалі на год увядзеньне абавязковай сэртыфікацыі тавараў лёгкай прамысловасьці, колькі гавораць аб іншых праблемах, якія перашкаджаюць іхняй працы.
На Гарадзенскім рынку «Цэнтральны» — звычайны працоўны дзень. Шматлюдна. Гандляры завіхаюцца каля сваіх палатак, пакуль ёсьць наплыў пакупнікоў. Пра тое, што ўлады адтэрмінавалі на год абавязковую сэртыфікацыю тавараў лёгкай прамысловасьці, ужо ўсе ведаюць — і вось як на гэта рэагуюць.
