Гэтую заяву Марцін Шульц зрабіў сёньня на сустрэчы кіраўнікоў фракцыяў Эўрапарлямэнту з кіраўнікамі фракцыяў і камітэтаў Сойму Літвы ў Вільні.
Такім чынам эўрапейскі чыноўнік адрэагаваў на пытаньне кіраўніка камітэту замежных справаў Сойму Літвы Бэнэдыктаса Ёдкі пра тое, ці варта запрашаць прадстаўнікоў Беларусі на саміт «Усходняга партнэрства», які пройдзе ў Вільні ў лістападзе сёлета. На думку Ёдкі, на лістападаўскі саміт у Вільні варта было б запрасіць Аляксандра Лукашэнку, але «ён унесены ў сьпіс асобаў, непажаданых на тэрыторыі ЭЗ». Міністар замежных спраў Беларусі Ўладзімер Макей таксама «занесены ў чорны сьпіс». А запрашэньне на саміт прэм'ер-міністра Міхаіла Мясьніковіча, на думку Ёдкі, можа раззлаваць Лукашэнку.
Са свайго боку Марцін Шульц заявіў, што, незалежна ад рашэньня запрашаць беларускіх прадстаўнікоў ці не, варта памятаць, што толькі летась у Беларусі былі пакараныя «два невінаватыя маладыя чалавекі», і Лукашэнка, паводле словаў кіраўніка Эўрапарлямэнту, мае да гэтага самае непасрэднае дачыненьне. «Я асабіста расцэньваю гэта як палітычнае забойства», – цытуе Шульца BNS (Балтыйская служба навінаў).
Разам з тым, падкрэсьліў старшыня Эўрапарлямэнту, нельга «караць увесь беларускі народ, які і так пакутуе ад кіраваньня» Лукашэнкі. Прэзыдэнту Беларусі, на яго думку, трэба сказаць «яснае «не», але ў той жа час неабходна старацца «адкрыць дзьверы беларускаму народу». «Знайсьці гэты сярэдні шлях нялёгка, у нас няма загадзя падрыхтаванага рэцэпту для гэтага», – сказаў Шульц.
Саміт «Усходняга партнэрства» пройдзе ў лістападзе 2013 году ў Вільні ў рамках старшынёўства Літвы ў Радзе Эўразьвязу. Паводле неафіцыйнай інфармацыі, Менск і Брусэль вядуць кансультацыі аб фармаце ўдзелу Беларусі ў маючым адбыцца саміце. У прыватнасьці, абмяркоўваецца магчымасьць запрашэньня на сустрэчу Ўладзіміра Макея, але гэтае пытаньне ўвязваецца з вызваленьнем і рэабілітацыяй беларускіх палітвязьняў.
7 траўня падчас дыскусіі ў Бэрліне пасол Беларусі ў Нямеччыне Андрэй Гіро заявіў: Менск разьлічвае, што запрашэньне на ўдзел у саміце «Ўсходняга партнэрства» ў Вільні будзе накіравана на імя кіраўніка дзяржавы, а беларускі бок сам вырашыць, хто будзе прадстаўляць краіну на сустрэчы.
Пра гэта піша БелаПАН.
Са свайго боку Марцін Шульц заявіў, што, незалежна ад рашэньня запрашаць беларускіх прадстаўнікоў ці не, варта памятаць, што толькі летась у Беларусі былі пакараныя «два невінаватыя маладыя чалавекі», і Лукашэнка, паводле словаў кіраўніка Эўрапарлямэнту, мае да гэтага самае непасрэднае дачыненьне. «Я асабіста расцэньваю гэта як палітычнае забойства», – цытуе Шульца BNS (Балтыйская служба навінаў).
Разам з тым, падкрэсьліў старшыня Эўрапарлямэнту, нельга «караць увесь беларускі народ, які і так пакутуе ад кіраваньня» Лукашэнкі. Прэзыдэнту Беларусі, на яго думку, трэба сказаць «яснае «не», але ў той жа час неабходна старацца «адкрыць дзьверы беларускаму народу». «Знайсьці гэты сярэдні шлях нялёгка, у нас няма загадзя падрыхтаванага рэцэпту для гэтага», – сказаў Шульц.
Саміт «Усходняга партнэрства» пройдзе ў лістападзе 2013 году ў Вільні ў рамках старшынёўства Літвы ў Радзе Эўразьвязу. Паводле неафіцыйнай інфармацыі, Менск і Брусэль вядуць кансультацыі аб фармаце ўдзелу Беларусі ў маючым адбыцца саміце. У прыватнасьці, абмяркоўваецца магчымасьць запрашэньня на сустрэчу Ўладзіміра Макея, але гэтае пытаньне ўвязваецца з вызваленьнем і рэабілітацыяй беларускіх палітвязьняў.
7 траўня падчас дыскусіі ў Бэрліне пасол Беларусі ў Нямеччыне Андрэй Гіро заявіў: Менск разьлічвае, што запрашэньне на ўдзел у саміце «Ўсходняга партнэрства» ў Вільні будзе накіравана на імя кіраўніка дзяржавы, а беларускі бок сам вырашыць, хто будзе прадстаўляць краіну на сустрэчы.
Пра гэта піша БелаПАН.