Аргкамітэт дзеля сьвяткаваньня Году Кастуся Каліноўскага ад сёньня распачынае конкурс, прысьвечаны паўстаньню 1863–1864 гадоў.
Конкурс пад назваю «Лепшы знаўца паўстаньня Кастуся Каліноўскага» будзе праводзіцца пераважна праз сацыяльныя сеткі ў інтэрнэце.
Пачатак чарговага конкурсу ў рамках Году Кастуся Каліноўскага аргкамітэт прымеркаваў да 22 траўня — гадавіны бітвы каліноўцаў з расейскімі войскамі пад Мілавідамі, што каля Баранавічаў, паведаміў сябра аргкамітэту Юрась Губарэвіч:
Арганізатары паведамляюць, што першая частка конкурсу пройдзе праз сацыяльныя сеткі інтэрнэт. Удзельнікам трэба зарэгістравацца на адмысловым інтэрнэт-сайце 1863.рух.by. Тыя, хто найлепш адкажа на 30 прапанаваных пытаньняў, у фінале будуць спаборнічаць у непасрэднай сустрэчы. Праграмнае забесьпячэньне распрацаванае так, што перамогі можна будзе дасягнуць толькі сумленным удзелам і праўдзівымі ведамі, кажа адзін з арганізатараў Аляксандар Лыкшын:
«Праграма тэхнічна распрацаваная так, што мы адсочваем адрас удзельніка, ягоныя дзеяньні. Гэта ўсё аўтаматычна аналізуецца, і карыстальнік можа паўторна прыняць удзел у конкурсе толькі тады, калі запросіць да ўдзелу яшчэ пяць сяброў».
Конкурсныя пытаньні распрацавалі такія вядомыя гісторыкі і краязнаўцы, як Андрэй Вашкевіч, Алесь Смалянчук, Віктар Сырыца і Язэп Янушкевіч. Яны ж будуць сябрамі журы, якое вызначыць пераможцаў. Прызы абяцаюць каштоўныя і цікавыя. Але каб іх атрымаць, трэба мець добрыя веды па гісторыі паўстаньня Кастуся Каліноўскага, падкрэсьліў Юрась Губарэвіч:
«Конкурс дастаткова складаны: сярод пытаньняў ёсьць такія, якія ніколі не агучваліся ў публічнай прасторы, вядомыя толькі гісторыкам і вельмі цікавыя старонкі гісторыі паўстаньня. Таму параіў бы ўдзельнікам найперш пашукаць болей зьвестак пра гісторыю паўстаньня, што падвысіць іх шансы на перамогу, а таксама параіў бы не расстройвацца тым, хто набярэ малую колькасьць балаў. І мы заклікаем усіх удзельнікаў сеткі інтэрнэт да актыўнага ўдзелу ў конкурсе».
Конкурс пад назваю «Лепшы знаўца паўстаньня Кастуся Каліноўскага» завершыцца 16 чэрвеня.
Пачатак чарговага конкурсу ў рамках Году Кастуся Каліноўскага аргкамітэт прымеркаваў да 22 траўня — гадавіны бітвы каліноўцаў з расейскімі войскамі пад Мілавідамі, што каля Баранавічаў, паведаміў сябра аргкамітэту Юрась Губарэвіч:
Юрась Губарэвіч
«Мэтай конкурсу зьяўляецца дадатковае прыцягненьне ўвагі да тэмы паўстаньня, азнаямленьне зь ягонымі рознымі аспэктамі. Перадусім разьлічваем на маладую аўдыторыю, якая актыўна карыстаецца сацыяльнымі сеткамі, а таксама на ўсіх, хто цікавіцца гісторыяй Беларусі і нашымі славутымі продкамі».Арганізатары паведамляюць, што першая частка конкурсу пройдзе праз сацыяльныя сеткі інтэрнэт. Удзельнікам трэба зарэгістравацца на адмысловым інтэрнэт-сайце 1863.рух.by. Тыя, хто найлепш адкажа на 30 прапанаваных пытаньняў, у фінале будуць спаборнічаць у непасрэднай сустрэчы. Праграмнае забесьпячэньне распрацаванае так, што перамогі можна будзе дасягнуць толькі сумленным удзелам і праўдзівымі ведамі, кажа адзін з арганізатараў Аляксандар Лыкшын:
«Праграма тэхнічна распрацаваная так, што мы адсочваем адрас удзельніка, ягоныя дзеяньні. Гэта ўсё аўтаматычна аналізуецца, і карыстальнік можа паўторна прыняць удзел у конкурсе толькі тады, калі запросіць да ўдзелу яшчэ пяць сяброў».
Конкурсныя пытаньні распрацавалі такія вядомыя гісторыкі і краязнаўцы, як Андрэй Вашкевіч, Алесь Смалянчук, Віктар Сырыца і Язэп Янушкевіч. Яны ж будуць сябрамі журы, якое вызначыць пераможцаў. Прызы абяцаюць каштоўныя і цікавыя. Але каб іх атрымаць, трэба мець добрыя веды па гісторыі паўстаньня Кастуся Каліноўскага, падкрэсьліў Юрась Губарэвіч:
«Конкурс дастаткова складаны: сярод пытаньняў ёсьць такія, якія ніколі не агучваліся ў публічнай прасторы, вядомыя толькі гісторыкам і вельмі цікавыя старонкі гісторыі паўстаньня. Таму параіў бы ўдзельнікам найперш пашукаць болей зьвестак пра гісторыю паўстаньня, што падвысіць іх шансы на перамогу, а таксама параіў бы не расстройвацца тым, хто набярэ малую колькасьць балаў. І мы заклікаем усіх удзельнікаў сеткі інтэрнэт да актыўнага ўдзелу ў конкурсе».
Конкурс пад назваю «Лепшы знаўца паўстаньня Кастуся Каліноўскага» завершыцца 16 чэрвеня.