Дакладчык Эўрапейскага парлямэнту па Беларусі Юстас Палецкіс падрыхтаваў праект рэкамэндацый адносна зьмены палітыкі Эўразьвязу ў дачыненьні да афіцыйнага Менску.
У сваім праекце эўрадэпутат Палецкіc падкрэсьлівае неабходнасьць безумоўнага і неадкладнага вызваленьня і рэабілітацыі ўсіх палітычных зьняволеных. Гэты крок, на ягоную думку, павінен стаць «перадумовай для паступовай адмены абмежавальных захадаў ЭЗ» у дачыненьні да афіцыйнага Менску і «істотнага паляпшэньня адносінаў паміж ЭЗ і Беларусьсю».
Дакладчык адзначае, апошнія абмежавальныя захады ЭЗ у адносінах да афіцыйнага Менску давялі да ўзмацненьня рэпрэсій супраць грамадзянскай супольнасьці, праваабаронцаў, незалежных СМІ і юрыстаў, дадаючы адначасова, што ў 2012 годзе ў Беларусі адбылося «прыкметнае паляпшэньне сытуацыі з выкананьнем правоў чалавека, а Эўрапейскі дыялёг аб мадэрнізацыі аказаў «станоўчы ўплыў на разьвіцьцё грамадзянскай супольнасьці».
Зыходзячы з гэтага, Юстас Палецкіс высунуў шэраг рэкамэндацый Вярхоўнаму прадстаўніку ЭЗ па замежных справах і палітыцы бясьпекі, Радзе ЭЗ і Эўракамісіі.
Юстас Палецкіс рэкамэндуе выкарыстаць старшынства Літвы ў ЭЗ і саміт Усходняга партнэрства ў Вільні як магчымасьці для паляпшэньня адносін зь Беларусьсю з мэтай перазагрузкі палітычнага дыялёгу.
У дакумэнце таксама прапануецца разгледзець прыпыненьне дзеяньня санкцый ЭЗ у дачыненьні да ключавых службовых асобаў беларускага рэжыму з мэтай пашырэньня асноўных і неабходных дыпляматычных каналаў сувязі зь Беларусьсю з улікам правядзеньня саміту Ўсходняга партнэрства.
Яшчэ адна рэкамэндацыя тычыцца падрыхтоўкі стратэгічнай «дарожнай мапы» – часовага пляну адносна прыярытэтных кірункаў рэформаў у Беларусі, які будзе ўтрымліваць прапановы па актывізацыі палітычнага дыялёгу.
Юстас Палецкіс лічыць неабходным «пашырэньне кантактаў зь беларускімі службовымі асобамі ў мэтах садзейнічаньня адкрытасьці ў адносінах да ЭЗ і павышэньня ўзроўню супрацоўніцтва». Ён таксама рэкамэндуе ўцягнуць прадстаўнікоў Менску ў Дыялёг аб мадэрнізацыі.
Праект уключае рэкамэндацыю адносна павялічэньня фінансавай дапамогі для грамадзянскай супольнасьці ў Беларусі.
Палецкіс прапаноўвае «выкарыстоўваць канструктыўны тэхнічны дыялёг паміж ЭЗ і Беларусьсю па макраэканамічным разьвіцьці і фінансавых пытаньнях для дасягненьня рэальнай прыхільнасьці Менска паступовым макраэканамічным і структурным рэформам, уключаючы прыватызацыю дзяржаўных прадпрыемстваў і лібэралізацыю банкаўскай сыстэмы».
Таксама прапануецца «заахвочваць Беларусь дзеля выкананьня рэкамэндацый Міжнароднай арганізацыі працы, у прыватнасьці, у дачыненьні да свабоды асацыяцыяў, рэгістрацыі і дзейнасьці незалежных прафсаюзаў».
У дакладзе гаворыцца аб неабходнасьці забесьпячэння з боку Беларусі выкананьня «самых высокіх міжнародных стандартаў бясьпекі пры будаўніцтве атамнай электрастанцыі».
Палецкіс лічыць неабходным умацаваньне супрацоўніцтва паміж ЭЗ і Беларусьсю ў барацьбе з трансгранічнай злачыннасьцю. У прыватнасьці, гэта тычыцца садзейнічаньня ў мадэрнізацыі памежнага кантролю. У дакладзе рэкамэндуецца разгледзець пытаньне аб павелічэньні фінансавай дапамогі Беларусі з мэтай ўкараненьня найноўшых сыстэмаў памежнага кантролю і сучаснай інфраструктуры».
Палецкіс прапануе актывізаваць тэхнічную і фінансавую падтрымку арганізацыям грамадзянскай супольнасьці, незалежным СМІ, праваабаронцам і прафсаюзам, а таксама разгледзець у аднабаковым парадку пытаньне аб зьніжэньні кошту віз для грамадзян Беларусі. Дакумэнт заклікае афіцыйны Менск прыняць неадкладныя меры па рэалізацыі пагадненьняў аб памежным руху з Польшчай і Літвой.
У сваім праекце эўрадэпутат Палецкіc падкрэсьлівае неабходнасьць безумоўнага і неадкладнага вызваленьня і рэабілітацыі ўсіх палітычных зьняволеных. Гэты крок, на ягоную думку, павінен стаць «перадумовай для паступовай адмены абмежавальных захадаў ЭЗ» у дачыненьні да афіцыйнага Менску і «істотнага паляпшэньня адносінаў паміж ЭЗ і Беларусьсю».
Дакладчык адзначае, апошнія абмежавальныя захады ЭЗ у адносінах да афіцыйнага Менску давялі да ўзмацненьня рэпрэсій супраць грамадзянскай супольнасьці, праваабаронцаў, незалежных СМІ і юрыстаў, дадаючы адначасова, што ў 2012 годзе ў Беларусі адбылося «прыкметнае паляпшэньне сытуацыі з выкананьнем правоў чалавека, а Эўрапейскі дыялёг аб мадэрнізацыі аказаў «станоўчы ўплыў на разьвіцьцё грамадзянскай супольнасьці».
Зыходзячы з гэтага, Юстас Палецкіс высунуў шэраг рэкамэндацый Вярхоўнаму прадстаўніку ЭЗ па замежных справах і палітыцы бясьпекі, Радзе ЭЗ і Эўракамісіі.
Аб палітычным дыялёгу
Юстас Палецкіс рэкамэндуе выкарыстаць старшынства Літвы ў ЭЗ і саміт Усходняга партнэрства ў Вільні як магчымасьці для паляпшэньня адносін зь Беларусьсю з мэтай перазагрузкі палітычнага дыялёгу.
У дакумэнце таксама прапануецца разгледзець прыпыненьне дзеяньня санкцый ЭЗ у дачыненьні да ключавых службовых асобаў беларускага рэжыму з мэтай пашырэньня асноўных і неабходных дыпляматычных каналаў сувязі зь Беларусьсю з улікам правядзеньня саміту Ўсходняга партнэрства.
Яшчэ адна рэкамэндацыя тычыцца падрыхтоўкі стратэгічнай «дарожнай мапы» – часовага пляну адносна прыярытэтных кірункаў рэформаў у Беларусі, які будзе ўтрымліваць прапановы па актывізацыі палітычнага дыялёгу.
Юстас Палецкіс лічыць неабходным «пашырэньне кантактаў зь беларускімі службовымі асобамі ў мэтах садзейнічаньня адкрытасьці ў адносінах да ЭЗ і павышэньня ўзроўню супрацоўніцтва». Ён таксама рэкамэндуе ўцягнуць прадстаўнікоў Менску ў Дыялёг аб мадэрнізацыі.
Праект уключае рэкамэндацыю адносна павялічэньня фінансавай дапамогі для грамадзянскай супольнасьці ў Беларусі.
Аб эканамічным і энэргетычным супрацоўніцтве
Палецкіс прапаноўвае «выкарыстоўваць канструктыўны тэхнічны дыялёг паміж ЭЗ і Беларусьсю па макраэканамічным разьвіцьці і фінансавых пытаньнях для дасягненьня рэальнай прыхільнасьці Менска паступовым макраэканамічным і структурным рэформам, уключаючы прыватызацыю дзяржаўных прадпрыемстваў і лібэралізацыю банкаўскай сыстэмы».
Таксама прапануецца «заахвочваць Беларусь дзеля выкананьня рэкамэндацый Міжнароднай арганізацыі працы, у прыватнасьці, у дачыненьні да свабоды асацыяцыяў, рэгістрацыі і дзейнасьці незалежных прафсаюзаў».
У дакладзе гаворыцца аб неабходнасьці забесьпячэння з боку Беларусі выкананьня «самых высокіх міжнародных стандартаў бясьпекі пры будаўніцтве атамнай электрастанцыі».
Аб памежным супрацоўніцтве
Палецкіс лічыць неабходным умацаваньне супрацоўніцтва паміж ЭЗ і Беларусьсю ў барацьбе з трансгранічнай злачыннасьцю. У прыватнасьці, гэта тычыцца садзейнічаньня ў мадэрнізацыі памежнага кантролю. У дакладзе рэкамэндуецца разгледзець пытаньне аб павелічэньні фінансавай дапамогі Беларусі з мэтай ўкараненьня найноўшых сыстэмаў памежнага кантролю і сучаснай інфраструктуры».
Аб грамадзянскай супольнасьці і візах
Палецкіс прапануе актывізаваць тэхнічную і фінансавую падтрымку арганізацыям грамадзянскай супольнасьці, незалежным СМІ, праваабаронцам і прафсаюзам, а таксама разгледзець у аднабаковым парадку пытаньне аб зьніжэньні кошту віз для грамадзян Беларусі. Дакумэнт заклікае афіцыйны Менск прыняць неадкладныя меры па рэалізацыі пагадненьняў аб памежным руху з Польшчай і Літвой.