Турыстычнае агенцтва «Дэльфін груп» распрацавала маршруты, прысьвечаныя 150-годзьдзю паўстаньня супраць расейскай імпэрыі 1863–1864 гадоў. Пра гэта ды пра іншае мы пагаварылі з нашым госьцем — дырэктарам «Дэльфін груп» Алесем Дуко.
Знаткевіч: Алесь чыя гэта была ідэя — зрабіць такія экскурсіі?
Дуко: Гэтая ідэя, напэўна, лунала ў паветры. Гэта значная падзея, яе ўсе ўшаноўваюць, і мы вырашылі таксама спрычыніцца.
Знаткевіч: Гэта разьлічана выключна на аматараў гісторыі ці чалавеку без такіх зацікаўленьняў будзе што паглядзець на маршруце?
Дуко: Магу сьмела сказаць, што гэта будзе цікава кожнаму беларусу. Паўстаньне — гэта ня проста параграф у падручніку гісторыі, гэта сапраўды значная падзея, апатэоз нацыянальна-вызваленчай барацьбы народаў Рэчы Паспалітай у ХІХ стагодзьдзі. Гэта пачатак уласна беларускага нацыянальнага руху.
Да таго ж, мы апрача месцаў. зьвязаных з Паўстаньнем, наведваем помнікі гісторыі і культуры — палацы, сядзібы, цэрквы, касьцёлы, якія сустракаюцца на нашым шляху.
Знаткевіч: А на якой мове адбываюцца экскурсіі? Разьлічана выключна на беларусаў?
Дуко: На экскурсію, якая адбудзецца ў найбліжэйшую суботу, з намі едуць і грамадзяне Расеі. І хоць мы праводзім экскурсіі на беларускай мове, тыя людзі казалі, што ім нават ня будзе патрэбны пераклад. Мы зьбіраемся запрашаць у нашыя маршруты і палякаў, якія, магчыма, больш увагі надаюць гэтай падзеі.
Знаткевіч: Вы рабілі першую экскурсію ў канцы сакавіка — наколькі перашкаджалі халады?
Дуко: Халады, вядома, шмат народу спалохалі, але агульнай справе гэта не перашкодзіла, і тыя, хто паехаў у вандроўку, не пашкадавалі. Галоўнае — ніхто не захварэў, уражаньні засталіся выключна добрыя.
Знаткевіч: Што можна будзе пабачыць на наступнай экскурсіі 13 красавіка?
Дуко: Мы едзем вялікім аўтобусам, у нас яшчэ засталося месцаў пяць. Вандроўка каштуе 210 тысячаў.
Знаткевіч: Наколькі насычаны ў Беларусі рынак гістарычных экскурсіяў? У вас ёсьць канкурэнты?
Дуко: Гістарычныя экскурсіі становяцца асобнай галіной беларускага турыстычнага рынку. Ёсьць і іншыя турагенцтвы, якія робяць цікавыя экскурсіі. Я б не называў іх канкурэнтамі — мы робім адну добрую справу, папулярызуем гісторыю Беларусі.
Знаткевіч: Ці не чакаеце вы, што ў тых грамадзянаў Расеі, якія паедуць з вамі ў суботу, будуць нейкія пярэчаньні, зьвязаныя з рознымі гістарычнымі трактоўкамі падзеяў?
Дуко: Мы з калегамі — прафэсійныя гісторыкі, і таму не зьбіраемся казаць там нейкія высакапарныя словы, а проста хочам даць уяўленьне аб той эпосе, дапамагчы людзям перанесьціся ў той час. Ну а калі што — дык мы будзем старацца загладзіць праблемы, калі яны ўзьнікнуць.
***
Першая з экскурсій «Дэльфін груп» праходзіць па Берасьцейскім рэгіёне і ўключае ў сябе Мілавіды, Косава, Ружаны і Ласосін, дзе адбыліся знакамітыя бітвы паўстаньня, знаходзяцца шматлікія помнікі і месцы пахаваьння герояў.
Другі маршрут пралягае ў гарадзенскім кірунку. Яго асноўныя кропкі — Сьвіслач, дзе знаходзіцца гімназія, у якой вучыліся Траўгут, браты Каліноўскія, а таксама помнікі гэтым дзеячам, парк былога палаца Тышкевічаў, а яшчэ Поразава, Лыскава і Магілёўцы, дзе захавалася шмат памятных месцаў (сядзібаў).
Дуко: Гэтая ідэя, напэўна, лунала ў паветры. Гэта значная падзея, яе ўсе ўшаноўваюць, і мы вырашылі таксама спрычыніцца.
Знаткевіч: Гэта разьлічана выключна на аматараў гісторыі ці чалавеку без такіх зацікаўленьняў будзе што паглядзець на маршруце?
Дуко: Магу сьмела сказаць, што гэта будзе цікава кожнаму беларусу. Паўстаньне — гэта ня проста параграф у падручніку гісторыі, гэта сапраўды значная падзея, апатэоз нацыянальна-вызваленчай барацьбы народаў Рэчы Паспалітай у ХІХ стагодзьдзі. Гэта пачатак уласна беларускага нацыянальнага руху.
Да таго ж, мы апрача месцаў. зьвязаных з Паўстаньнем, наведваем помнікі гісторыі і культуры — палацы, сядзібы, цэрквы, касьцёлы, якія сустракаюцца на нашым шляху.
Знаткевіч: А на якой мове адбываюцца экскурсіі? Разьлічана выключна на беларусаў?
Дуко: На экскурсію, якая адбудзецца ў найбліжэйшую суботу, з намі едуць і грамадзяне Расеі. І хоць мы праводзім экскурсіі на беларускай мове, тыя людзі казалі, што ім нават ня будзе патрэбны пераклад. Мы зьбіраемся запрашаць у нашыя маршруты і палякаў, якія, магчыма, больш увагі надаюць гэтай падзеі.
Знаткевіч: Вы рабілі першую экскурсію ў канцы сакавіка — наколькі перашкаджалі халады?
Дуко: Халады, вядома, шмат народу спалохалі, але агульнай справе гэта не перашкодзіла, і тыя, хто паехаў у вандроўку, не пашкадавалі. Галоўнае — ніхто не захварэў, уражаньні засталіся выключна добрыя.
Знаткевіч: Што можна будзе пабачыць на наступнай экскурсіі 13 красавіка?
Дуко: Мы едзем вялікім аўтобусам, у нас яшчэ засталося месцаў пяць. Вандроўка каштуе 210 тысячаў.
Знаткевіч: Наколькі насычаны ў Беларусі рынак гістарычных экскурсіяў? У вас ёсьць канкурэнты?
Дуко: Гістарычныя экскурсіі становяцца асобнай галіной беларускага турыстычнага рынку. Ёсьць і іншыя турагенцтвы, якія робяць цікавыя экскурсіі. Я б не называў іх канкурэнтамі — мы робім адну добрую справу, папулярызуем гісторыю Беларусі.
Знаткевіч: Ці не чакаеце вы, што ў тых грамадзянаў Расеі, якія паедуць з вамі ў суботу, будуць нейкія пярэчаньні, зьвязаныя з рознымі гістарычнымі трактоўкамі падзеяў?
Дуко: Мы з калегамі — прафэсійныя гісторыкі, і таму не зьбіраемся казаць там нейкія высакапарныя словы, а проста хочам даць уяўленьне аб той эпосе, дапамагчы людзям перанесьціся ў той час. Ну а калі што — дык мы будзем старацца загладзіць праблемы, калі яны ўзьнікнуць.
***
Першая з экскурсій «Дэльфін груп» праходзіць па Берасьцейскім рэгіёне і ўключае ў сябе Мілавіды, Косава, Ружаны і Ласосін, дзе адбыліся знакамітыя бітвы паўстаньня, знаходзяцца шматлікія помнікі і месцы пахаваьння герояў.
Другі маршрут пралягае ў гарадзенскім кірунку. Яго асноўныя кропкі — Сьвіслач, дзе знаходзіцца гімназія, у якой вучыліся Траўгут, браты Каліноўскія, а таксама помнікі гэтым дзеячам, парк былога палаца Тышкевічаў, а яшчэ Поразава, Лыскава і Магілёўцы, дзе захавалася шмат памятных месцаў (сядзібаў).