Станіслаў Багданкевіч нарадзіўся 1 студзеня 1937 году ў вёсцы Шапавалы Валожынскага раёну Менскай вобласьці. Скончыў Пінскі ўлікова-крэдытны тэхнікум, маскоўскі фінансава-эканамічны інстытут. Доктар эканамічных навук , прафэсар. У 1991–1995 — старшыня праўленьня Нацыянальнага банку Рэспублікі Беларусь. Дэпутат Вярхоўнага Савету Беларусі ХІІІ скліканьня, лідэр фракцыі «Грамадзянскае дзеяньне» (1995-1996). Член Аб’яднанай грамадзянскай партыі, яе старшыня з 1995 да 2000, з 2000 году — ганаровы старшыня.
