Ад ночы з суботы на нядзелю ў Магілёве лютуе дуйка. Моцны парывісты паўночны вецер імкліва намятае сумёты і тут жа іх пераносіць у іншае месца.
Вялікага сьнегападу, як тыдзень таму падчас «Хавэру», няма. Сівер узмацняе адчуваньне марозу. Рэдкія мінакі на вуліцах хаваюцца за паднятымі каўнярамі. У першай палове дня тэхніка прыбірала сьнег пераважна ў цэнтры гораду.