Як распавёў для Радыё Свабода прэсавы сакратар Кансэрватыўна-Хрысьціянскай партыі БНФ Валер Буйвал, збор удзельнікаў шэсьця адбудзецца ля мэтро “Парк Чалюскінцаў”, каля гадзіньнікавага заводу, а палове на дванаццатую.
Шэсьце пачнецца а 12-й гадзіне і будзе праходзіць па ходніках і адной паласе праежджай часткі. Маршут шэсьця будзе традыцыйным – праспэкт Скарыны, потым па вуліцы Каліноўскага, Сядых, Карбышава, Гамарніка, Мірашнічэнкі й далей у Курапаты, дзе з 15 да 17 гадзіны адбудзецца жалобны мітынг.
Колькасьць удзельнікаў, паводле пададзенай заяўкі – да 5 тысячаў чалавек.