МАСКВА. У расейскай сталіцы сёньня пачынаецца саміт "Расея – Эўрапейскі Зьвяз". У ходзе сустрэчы чакаецца падпісаньне пагадненьня пра ўступленьне Расеі ўва Ўсясьветную гандлёвую арганізацыю. Удзельнікі саміту абмяркуюць праблемы датрыманьня правоў чалавека ў Расеі, спрашчэньня візавага рэжыму Расеі з Эўразьвязам, а таксама шэраг пытаньняў эканамічнага, прававога й культурнага супрацоўніцтва. Дэлегацыю Эўразьвязу на саміце ачольвае старшыня Эўракамісіі Рамана Продзі.
