Кітайскі прэм’ер Вэнь Цьзябао сёньня заклікаў Эўразьвяз адмяніць эмбарга на пастаўку зброі ў КНР і палепшыць узаемныя эканамічныя адносіны.
Цьзябао сустрэўся са старшынёй Эўракамісіі Рамана Продзі. Апошні выказаўся за ўзмацненьне камэрцыйных кантактаў з Кітаем, але што да пытаньня пра магчымасьць паставак зброі, то Продзі паведаміў, што яно будзе разглядацца краінамі Эўразьвязу пазьней.
