ЯЛТА. Прэзыдэнты Ўкраіны і Расеі Леанід Кучма і Ўладзімер Пуцін падпісалі сёньня ў Ялце дамову, якая часткова вырашае памежныя спрэчкі паміж дзьвюма краінамі. Дамова дае Расеі і Украіне аднолькавыя правы на карыстаньне Азоўскім морам і Керчанскай пратокай. Але яна пакідае адкрытым для перамоваў пытаньне аб правах на радовішчы газу, знойдзеныя на дне Азоўскага мора.
Раней на гэтым тыдні парлямэнты Расеі і Ўкраіны ратыфікавалі гэтую дамову.
