ТАЙПЭЙ. На Тайвані ў прэзыдэнцкіх выбарах перамог цяперашні прэзыдэнт краіны Чэнь Шуйбянь. Ягоны канкурэнт, лідэр апазыцыі, які афіцыйна набраў толькі на 30 тысячаў галасоў меней, не прызнаў перамогу Чэнь Шуйбяня. Ён назваў выбары несумленнымі і запатрабаваў пералічыць бюлетэні. У выбарах узялі ўдзел 13 мільёнаў чалавек. Учора на прэзыдэнта Чэнь Шуйбяня быў зроблены замах – ён быў паранены ў жывот.
