ТЭГЕРАН. Улады Ірану былі вымушаныя працягнуць тэрмін галасаваньня на парляманцкіх выбарах на 4 гадзіны ў зьвязку зь вялікай колькасьцю выбарцаў. Мяркуецца, што пераможцамі выбараў будуць прадстаўнікі кансэрватўнай лініі. Большасьць кандыдатаў-рэфарматараў была выкрэсьленая са спісаў Радай вартаўнікоў ісламскай рэвалюцыі, ім было забаронена браць удзел у выбарах. Некаторыя рэфармісты заклікалі да байкоту выбараў. Сёньня найвышэйшы духоўны лідар Ірану аятала Алі Хамэнэі заявіў, што тыя, хто заклікаюць маладых людзей да байкоту выбараў – ворагі ісламскай рэвалюцыі.
