ТЭГЕРАН Прэзідэнт Ірану Махамад Хатамі заявіў, што парляменцкія выбары, прызначаныя на 20 лютага, ня могуць быць ані свабоднымі, ані справядлівымі, паколькі Рада вартавых ісламскай рэвалюцыі адхіліла ад удзелу ў выбарах больш за дзьве тысячы кандыдатаў, якія маюць рэфармісцкія погляды.
Разам з тым Хатамі падцьвердзіў, што выбары будуць праведзеныя ў вызначаны тэрмін.
Прэзідэнт Хатамі і сьпікэр парляманту Махдзі Карубі накіравалі ліст духоўнаму лідэру Ірану – аятале Алі Хамэнэі. Пасланьне ўтрымлівае крытыку дзеяньняў кансэрватараў з Рады вартавых.
Найбуйнейшая рэфармісцкая партыя Ірану, кіраваная братам прэзідэнта Махамад Рэза Хатамі, заявіла пра намер байкатаваць парлямэнцкія выбары.
