ГАВАНА. Вядомы кубінскі дысыдэнт Асвальда Пайя зноў зьвярнуўся да ўладаў з заклікам правесьці рэфэрэндум у пытаньні зьмены на Кубе палітычнага ладу. У пятніцу ён перадаў у парлямэнт пэтыцыю, падпісаную чатырнаццацю тысячамі кубінцаў. Летась Пайя ўжо зьвяртаўся да ўладаў з гэтакай жа прапановай, але ягоная прапанова была адрынутая, бо яе ўлады палічылі супярэчнай канстытуцыі. Кандыдатура Пайі сёлета вылучаная на Нобэлеўскую прэмію міру.
