КЁЛЬН. НЯМЕЧЧЫНА. Нямеччына адмовілася выдаць Турэччыне лідэра экстрэмісцкай арганізацыі Меціну Каплана зь мянушкай “Кёльнскі халіф”. Нямецкі суд матываваў гэтае рашэньне тым, што разгляд справы Каплана ў Турэччыне будзе адбывацца з парушэньнем юрыдычных нормаў, у прыватнасьці, -- абвінавачаньне можа будавацца на сьведчаньнях, атрыманых у часе катаваньняў. Экстрэмісцкая групоўка, якую ачольвае Каплан, была забароненая ў Нямеччыне за прапаганду антысэмітызму.
