БЭЛГРАД. Міністар абароны Сэрбіі і Чарнагорыі Барыс Тадзіч папярэдзіў пра рост напружанасьці паміж сэрбамі і этнічнымі альбанцамі ў Косаве і па-за яго межамі. Тадзіч заявіў, што два напады, што былі зьдзейсьненыя ў апошнія два дні, выклікалі эскаляцыю канфлікту. Ён назваў два інцыдэнты сынхранізаванай актыўнасьцю экстрэмізму этнічных альбанцаў. У панядзелак баевікі з групоўкі “Альбанскае нацыянальнае войска” абстралялі вайсковую базу ў паўдзённай Сэрбіі. Учора група зь 15 чалавек абстраляла вайсковы патруль недалёка ад мяжы з Косава.
