КАТАР. Войскі Злучаных Штатаў і Вялікай Брытаніі, ударамі ў двух кірунках, пачалі буйнамаштабны наступ на Багдад. Паводле вайсковага кіраўніцтва ЗША, сёньня аддзелы марской пяхоты занялі мост праз раку Тыгар. Перадавыя аддзелы саюзьнікаў ужо знаходзяцца за 30 кілямэтраў ад Багдаду. Саюзнае кіраўніцтва абвесьціла, што ля места Эль-Кут зьнішчаная дывізія ірацкай рэспубліканскай гвардыі. Багдад адмаўляе гэта й заяўляе, што дывізія страціла 17 чалавек забітымі і 35 параненымі. Працягваюцца баі ля места Кэрбэла, за сто кілямэтраў на поўдзень ад Багдаду. Таксама працягваецца бамбаваньне йрацкай сталіцы.
