МАСКВА: Паводле агенцтва Інтэрфакc, у турме памёр прысуджаны да пажыцьцёвага зьняволеньня чачэнскі палявы камандзір Салман Радуеў. Акалічнасьці ягонай канчыны ў горадзе Пэрм высьвятляюцца. Радуеў быў асуджаны за захоп у студзені 96 году трох тысячаў заложнікаў у горадзе Кізлавар у Дагестане. Захопнікі схаваліся ў Чачні, аднак ў баёх зь імі загінулі 78 расейскіх жаўнераў.
