ЛІЁН. ФРАНЦЫЯ. Чалавек, якi сёньня зрабiў спробу захапiць самалёт авiякампанii “Алiталiя”, зьяўляецц грамадзянiнам Італii Стэфана Саварынi – псыхiчна хворым былым палiцыянтам. На борце самалёту, якi ляцеў з Балоньi ў Парыж, ён пагражаў пiлётам, заявiўшы, што мае бомбу з дыстанцыйнывм кiраваньнем. Самалёт зрабiў тэрмiновую пасадку ў Лiёне. Злачынца арыштаваны. Паводле дадзеных уладаў, у 1998 годзе Саварынi спрабаваў захапiць цягнiк, а ў 99-м самалёт, маючы пры сабе муляж выбуховага прыстасаваньня.
