ПРАГА: Сябры НАТО згадзіліся падтрымаць высілкі ААН накіраваныя на разбраеньне Іраку, але не прынялі рашэньня аб сумеснай ваеннай акцыі. У часе першага дня саміту ў Празе лідэры 19 краінаў запатрабавалі ад Іраку поўнасьцю і неадкладна выканаць новую рэзалюцыю ААН. Злучаныя Штаты са свайго боку адзначылі, што ня будуць прасіць іншых сябраў НАТО дапамагчы ім у магчымай, ваеннай аперацыі супраць Багдаду.
