ВАШЫНГТОН. Міністэрства абароны ЗША пазычыць паліцыі вайсковы самалёт-разьведчык, каб дапамагчы ў пошуках сэрыйнага забойцы. З пачатку месяца ў ваколіцах Вашынгтону невядомы снайпэр забіў дзевяць чалавек. Апошняй ахвярай стала 47-гадовая жанчына, якую застрэлілі ў панядзелак на паркоўцы ў штаце Вірджынія непадалёк ад Вашынгтону. Забітая працавала аналітыкам у Фэдэральным бюро расьсьледаваньняў. Сьледчыя кажуць, што пакуль што няма сьведчаньняў, што яна сталася ахвярай забойцы з-за сваёй працы.
