ЁГАНЭСБУРГ. У часе Самiту Зямлі ў праблемах устойлівага разьвіцьця, які адбываецца ў сталіцы Паўдзённа-Афрыканскай Рэспублікі, прадстаўнікі Эўрапейскага Зьвязу заклікалі міжнародную супольнасьць да выпрацоўкі канкрэтнага пляну захадаў у барацьбе з галечай і абароне навакольнага асяродзьдзя. Галоўнымі тэмамі, якія сёньня абмяркоўваюць удзельнікі саміту, зьяўляюцца праблемы барацьбы зь хімічным забруджваньнем навакольнага асяродзьдзя ды забесьпячэньне электрычнасьцю жыхароў бедных краінаў.
