САМБОАНГА (ФІЛІПІНЫ). Філіпінскае камандаваньне выслала бамбавікі і штурмавыя верталёты ў паўдзённую правінцыю Самбоанга дэль Нортэ, дзе, як мяркуецца, знайшлі прытулак ваяўнікі зь ісьлямісцкай групоўкі Абу Саяфа. Да высадкі ў рэгіён рыхтуецца таксама адмысловая антытэрарыстычная група. Разам з тым сёньня ў Філіпінах пачалі раздавацца ўлёткі, у якіх урад Злучаных Штатаў прапануе шматмільённую ўзнагароду за інфармацыю пра пяцярых лідэраў групоўкі Абу Саяфа.
