САНКТ-ПЕЦЯРБУРГ. Прэзыдэнт Расеі Ўладзімір Пуцін напярэдадні саміту гэтак званай Шанхайскай Арганізацыі Супрацоўніцтва правёў сёньня ў Пецэрбургу перамовы з прэзыдэнтам Кітаю Цьзян Цзэмінем. Абодва лідэры меліся абмеркаваць пытаньні двухбаковага супрацоўніцтва і напружаньне паміж Індыяй і Пакістанам. Заўтра пачнецца рэгіянальны саміт, у якім таксама возьмуць удзел прэзыдэнты Казахстану, Кыргызстану, Таджыкістану і Ўзбэкістану.
