КАБУЛ. Учора пачаліся перастрэлкі паміж войскам міністра абароны Афганістану Мухамэда Фахіма і часткамі ляяльнымі намесьніку міністра абароны Абдулу Рашыду Дустуму. Пра гэта паведаміла “Афганскае іслямскае інфармацыйнае агэнства”. У часе гэтых перастрэлак загінулі шэсьць чалавек. У паведамленьні адзначаецца, што аддзелы этнічнага ўзбэка гэнэрала Дустума паспрабавалі захапіць мястэчка Куала Заал, якое кантралюе войска этнічнага таджыка, міністра абароны Фахіма.
